काठमाडौं । नेपाल इन्भेष्टमेण्ट मेगा बैंकका संचालक समितिका अध्यक्ष पृथ्वी बहादुर पाँडेले आर्थिक वर्ष २०८०/८१ मा सेयरधनीलाई लाभांश दिने प्रतिवद्धता गरेका छन् । आज राष्ट्रिय सभागृहमा सम्पन्न ३८ औं बार्षिक साधारणसभालाई सम्बोधन गर्दै अध्यक्ष पाँडेले भने -‘लगातार दुई आर्थिक वर्षमा सेयरधनीलाई लाभांश दिन सकेनौं, पछिल्लो ६ महिनाको बैंकको वित्तीय विवरण हेर्दा यो आर्थिक वर्षमा सेयरधनीलाई सानो लाभांश हामी दिनेछौं ।’
प्रष्ट बोल्ने बैंकका अध्यक्ष पृथ्वी बहादुर पाँडेले सेयरधनीलाई ठूलो लाभांश सेयरधनीलाई अपेक्षा नगर्न आग्रह समेत गरेका छन् । अध्यक्ष पृथ्वी बहादुर पाँडेको भनाईलाई अनुमान गर्ने हो भने बैंकले आर्थिक वर्ष २०८०/८१ मा ५ प्रतिशतसम्म लाभांश दिने अनुमान गर्न सकिनेछ । बैंकको बार्षिक साधारणसभा विहान १० बजेबाट दिउँसो २ बजेसम्म चलेको थियो । सभामा २४ जना सेयरधनीले बोलका थिए ।
